MIESCO PRIMUS

 

Christe, sub hoc ad nos venisti principe, ab hoste

Possessas Stygio commiseratus oves.

Cesserunt idola tibi: Mars, Leda, Gemelli,

Cynthia, Pluto, Ceres, Iuppiter, Aura, Venus.

Femina te nobis ostendit prima Bohemo

Sanguine, prima crucem nos docuitque tuam.

Si tu prima quidem nobis es causa salutis,

Ipse Deus, mulier causa secunda fuit.

Illa tuo tingi Miesconem fonte maritum

Fecit; terra suum est tota secuta ducem.

Plurima tunc data sunt tibi templa novemque cathedrae

Et quas sacrifici dilapidamus opeg.


CARMINA